अमेरिकी राष्ट्रपति डोनाल्ड ट्रम्पको निमन्त्रणामा भारतीय प्रधानमन्त्री नरेन्द्र मोदी अर्को हप्ता ह्वाइट हाउस भ्रमणको तयारीमा छन्। रोयटर्सका अनुसार जनवरी २७ मा भएको टेलिफोन वार्तापछि निमन्त्रण आएको हो।
दुवै नेताले अमेरिका–भारत रणनीतिक साझेदारी, इन्डो–प्यासिफिक क्वाड साझेदारी, सुरक्षा सहयोग, र व्यापार सम्बन्धलाई बलियो बनाउने विषयमा छलफल गरेका छन्। ट्रम्पले भारतलाई थप अमेरिकी सुरक्षा उपकरणहरू खरिद गर्न प्रोत्साहित गरेका छन् भने भारत निष्पक्ष व्यापार सम्बन्ध र कुशल श्रमिक भिसा सहज बनाउन चाहन्छ।
भारत-अमेरिका व्यापार २०२३–२४ मा ११८ अर्ब डलर नाघेको छ, जसमा भारतले ३२ अर्ब डलरको व्यापार बचत गरेको छ। मोदी ट्रम्पलाई पुनःनिर्वाचनमा बधाई दिने पहिलो नेतामध्ये एक थिए, र उनीहरूको मैत्रीपूर्ण सम्बन्धले रणनीतिक सहकार्यलाई मजबुत बनाइरहेको छ।
प्रकाशित मिति : २०८१ माघ २२ गते मङ्गलवार
