प्रकाश काफ्ले/काठमाडौं । जापान महिला राष्ट्रिय फुटबल टोली ले एएफसी महिला एसियन कप को उपाधि जित्दै पुनः एशियाली फुटबलमा आफ्नो प्रभुत्व कायम गरेको छ। सिड्नी स्थित स्टेडियममा शनिबार सम्पन्न फाइनल खेलमा जापानले आयोजक अष्ट्रेलिया महिला राष्ट्रिय फुटबल टोली लाई १–० गोल अन्तरले पराजित गर्दै तेस्रो पटक च्याम्पियन बन्न सफल भयो।
खेलको १७औं मिनेटमा २१ वर्षीया स्ट्राइकर माइका हामानो ले पेनाल्टी क्षेत्र बाहिरबाट प्रहार गरेको उत्कृष्ट गोल नै निर्णायक बन्यो। रोचक कुरा के छ भने जापानले अष्ट्रेलियालाई फाइनलमा १–० ले हराएको यो लगातार तेस्रो अवसर हो। यसअघि पनि सन् २०१४ र २०१८ का फाइनलमा जापानले समान अन्तरले जित हासिल गरेको थियो। प्रतियोगिताभर जापानले प्रभावशाली प्रदर्शन गर्दै कुल २९ गोल गर्यो। ६ गोलसहित रिको उएकी ले गोल्डेन बुट जितिन् भने उत्कृष्ट गोलकिपरको उपाधि आयाका यामाशिता ले हात पारिन्।
यस नतिजासँगै जापानसहित अष्ट्रेलिया, चीन, दक्षिण कोरिया, फिलिपिन्स र उत्तर कोरियाले सन् २०२७ को फिफा महिला विश्वकपमा स्थान सुरक्षित गरेका छन्। साथै, क्वार्टरफाइनलमा पुगेका सबै आठ टोलीले २०२८ ओलम्पिक छनोटमा पनि स्थान बनाएका छन्।
