अमेरिकामा डोनाल्ड ट्रम्प नेतृत्वको सरकारले अवैध आप्रवासीको मुद्दालाई गम्भीर लिएर कारबाही अगाडि बढाएको छ। गृह सुरक्षा सचिव क्रिस्टी नोएमले मंगलबार न्यूयोर्क शहरमा अध्यागमन र भन्सार प्रवर्तन (आइसीई) को छापा मारेकी छिन्।
अधिकारीहरूले केही व्यक्तिहरूलाई पक्राउ गरेका छन्। यसबारे जानकारी गराउँदै सचिव नोएमले एक्समा भनिन्, ‘भर्खरै न्यूयोर्कमा प्रवर्तन अपरेशन। अपहरण, आक्रमण र चोरीको आरोपमा आपराधिक विदेशी पक्राउ परेका छन्। आइसीईलाई धन्यवाद।’
उनले स्पष्ट पारिन् कि अवैध आप्रवासन र सीमा सुरक्षा सरकारको पहिलो प्राथमिकता हो। यस कारबाहीले हत्यारा, अपहरणकर्ता र आक्रमण तथा चोरीको आरोपीहरूलाई लक्षित गरेको थियो। आइसीईले एकै दिनमा १,१७९ पक्राउ गरेको र ८५३ डिटेनर जारी गरेको छ। नोएमको नेतृत्वमा, यस्ता अपरेशनहरू देशभरि जारी रहने उल्लेख गरिएको छ।
प्रकाशित मिति : २०८१ माघ १५ गते मङ्गलवार
