काठमाडौं । नवलपुरको देवचुली १७ निवासी कृष्ण चालिसे २० दिनदेखि सम्पर्कविहीन हुनुभएको छ । जेठ २३ गते घरबाट निस्किनुभएका उहाँ अहिलेसम्म घर फर्किनुभएको छैन ।

गाई फार्म सञ्चालन गर्दै आउनुभएका चालिसेले जेठ २३ गते २ वटा गाई पोखरास्थित भाइको घरमा लैजानु भएको थियो । परिवारका अनुसार उहाँ २४ गते बिहानै घर फर्केको बुझिन्छ ।

आजका चर्चित पोष्टहरु पढ्न यहाँ राखिएको हेडलाईनमा थिच्नुहोस् ।

‘पोखराको देवरबाबुको घरमा दुई वटा गाई गाडीमा हालेर लैजानुभएको हो । भोलिपल्टै त्यही गाडीमा घर फर्कँदै हुनुहुन्थ्यो ।’

श्रीमती सरुले भन्नुभयो– ‘चेक साट्न भन्दै गाडीबाट ओर्लेर बैंकतिर जानुभएको गाडीका ड्राइभर भन्नुहुन्छ । तर घर आउनुभएन ।’

चालिसेसँग १ लाख ९० हजार पैसा रहेको सरुले बताउनुभयो । नारायणगढ सहिद चोकमा रहेको कृषि विकास बैंकको सीसीटिभी फुटेज हेर्दा ३ः१७ बजे चेक साटेर चालिसे बैंकबाट बाहिरिएको देखिन्छ । त्यसपछि उहाँ कहाँ जानुभयो कुनै पत्तो छैन ।

घर नआएपछि फोन गर्दा मोबाइल उक्त दिनदेखि नै अफ रहेको छ । प्रहरीलाई जानकारी गराएपछि कल डिटेल हेर्दा पनि तुरुन्तै मोबाइल अफ भएकाले अन्यत्र गएको बारे थाहा हुन नसकेको परिवार बताउँछ । परिवारसँग कुनै प्रकारको मनमुटाव नभएको पनि सरुले बताउनुभयो ।

८ वर्ष दुबई बसेर नेपाल फर्केका चालिसे ४ वर्षअघिदेखि गाई फार्म सञ्चालन गर्दै आउनुभएको थियो । चालिसे बेखबर बन्दा परिवार चिन्तामा छ । सानी छोरी बाबाको अभावमा पिरोलिने गरेको सरु बताउनुहुन्छ ।

कृष्ण चालिसेलाई देख्ने वा भेट्नेले नजिकको प्रहरी कार्यालय वा मोबाइल नम्बर ९८२१००६७७१, ९८२१४१७५६५ वा ९८०४४९६०९३ मा सम्पर्क गर्न परिवारले अनुरोध गरेका छन् ।

सबैको जानकारीको सेयर गर्नुहोस !!

भिडियो हेर्न यहाँ क्लिक गर्नुहोस् । subscribe मा क्लिक गरेपछि सँधै भिडियो हेर्न पाईनेछ । नजिकैको बेल (घण्टि) मा थिचे अपलोड गर्नासाथ पहिलो दर्शक बन्न पाउँनुहुनेछ ।

सम्बन्धित खबरहरु