काठमाडौँ । शुक्रबार काठमाडौँमा गणतन्त्रवादी र राजावादीहरूको प्रदर्शन हुने भएका कारण यातायातमा अवरोध आउन सक्ने अनुमान गरिएको छ।
गणतन्त्र पक्षधर समाजवादी मोर्चा र राजावादी समूहले क्रमशः प्रदर्शनीमार्ग र तीनकुनेमा मञ्च तयार गरेका छन्। यस प्रदर्शनको कारण काठमाडौँको सडक यातायातमा अवरोधका कारण सर्वसाधारणलाई असजिलो हुनसक्ने छ।
तर, काठमाडौँका प्रमुख जिल्ला अधिकारी (सीडीओ) ऋषिराम तिवारीले भने, प्रदर्शनको प्रभाव केवल तीनकुने र प्रदर्शनी मार्गमा मात्र पर्नेछ र अन्य स्थानमा जनजीवनमा कुनै असर नपर्ने बताएका छन्।
ट्राफिक प्रहरीले यातायात व्यवस्थापनका लागि वैकल्पिक योजना बनाइरहेका छन्, तर अझै कुनै आधिकारिक जानकारी सार्वजनिक गरिएको छैन।
प्रकाशित मिति : २०८१ चैत्र १४ गते शुक्रवार
