तीजमा छाडा गीत बनाउँनेलाई कारबाही [ सूचनासहित ]

काठमाडौं । नेपाली महिलाहरुको महान पर्व तीन नजिक आएपछि राष्ट्रिय लोक तथा दोहोरी गीत प्रतिष्ठान जागेको छ ।

प्रतिष्ठानले छाडा गीतहरु नबनाउन भन्दै पत्राचार गरेको हो । एक विज्ञप्ति जारी गरेर सामाजिक सदभावमा खलल पुर्‍याउने, अभद्र, द्विअर्थी र अपाच्य किसिमका तीज गीत सार्वजनिक नगर्न भनिएको छ ।

प्रतिष्ठानका अध्यक्ष रमेश बीजीले विज्ञप्ति जारी गर्दै यस्तो अपिल गर्नुभएको हो । संस्थागत आग्रहलाई बेवास्ता गरिए साधारण सदस्यता लगायत संस्थागत सेवाबाट समेत बञ्चित गर्ने चेतावनी समेत दिइएको छ । गायिका तथा मोडल ज्योती मगरलाई तीजमा छाडा गीत गाउँने सूचीमा राखिएका कारण उनको तस्वीर यहाँ प्रयोग गरिएको छ । स्मरणीय कुरा यो छ की उनका केही गीतमा बन्देज समेत लगाइएको थियो ।

प्रतिष्ठानले जारी गरेको विज्ञप्तिमा भनिएको छ, ‘नेपाली मौलिक लोक गीत संगीत अन्तर्गत पर्वगीत विशेष तीजगीतलाई हाम्रो संस्कृतिको अर्को महत्वपूर्ण गीतका रुपमा लिइन्छ । हरेकवर्ष उल्लेख्य मात्रामा तीज गीतहरु कुनै न कुनै माध्यमबाट व्यवसायिक रुपमा हेर्न र सुन्न पाइन्छ ।

आजका चर्चित पोष्टहरु पढ्न यहाँ राखिएको हेडलाईनमा थिच्नुहोस् ।

यो सुखद पक्ष पनि हो । तथापि कतिपय तीज गीतको नाममा देखिएका विकृति, विसङ्गति, अभद्र श्रव्यदृश्यप्रति समस्त दर्शक श्रोताहरुकोको गुनासो वर्षेनी आइरहने हुँदा यस वर्ष पनि राष्ट्रिय लोक तथा दोहोरीगीत प्रतिष्ठान नेपालको विशेष ध्यानाकर्षण भएको छ ।

तसर्थ सम्पूर्ण स्रष्टा सर्जक गायक÷गायिका, उत्पादक, रेकर्डिङ्ग स्टुडियो, श्रव्यदृश्य निर्माणकर्ता एवं वितरकहरुमा सामाजिक सद्भावमा खलल पुर्याउने एवं अभद्र र नियतबस दुई अर्थी लाग्ने अपाच्य शब्द सामग्री प्रयोग गरी संगीत बिगार्ने खालका गीत संगीत प्रस्तुत नगर्न नगराउन विनम्र बिनम्रतापूर्वक हार्दिक अनुरोध गर्दछौं ।’